《主子移民日記》#1

呢幾年，相信大家嘅話題都離不開移民😿。無論留低還是去新地方，最緊要一家人齊齊整整，就算移民都要帶埋主子們一齊走🐱🐶。小編嚟緊同大家分享主子們移民嘅過程、困難，同埋有咩位要特別留意，等大家可以避免好似小編咁中伏🪤。

第一篇就同大家分享究竟搵寵物移民公司好，定係自己攪好？

市面上有很多唔同嘅寵物移民公司，大家要留佢哋報價包啲咩，而包嘅事項係咪你哋需要。以小編為例，搵咗一間寵物移民公司報價，佢哋包到上門幫主子們做身體檢查、運送到機場等🚚。但係當中無包到小編最想要嘅搵機位服務，即係要自己逐間航空公司打去問有冇位。

同時，大家要留意有冇其他雜費或付加費，小編問個間會收取晚上或星期六日假期到機場嘅額外費用等💲。仲有，佢哋要至少六星期前簽約，否則可能會收取特急費用💲。

小編因為種種原因一直確定唔到出發日期，又因為去冷門嘅歐洲小國，仲要帶住三貓一狗，搵機位難上加難😿。確定日期之後，打咗去問幾間航空公司，千辛萬苦最後搵到貨機機位😿。

慳家嘅小編覺得貓狗入境條件相對簡單，要處理嘅文件唔算複雜，而且網上資料齊全，就決定自己攪，諗住慳返少少🤏🏻。

自己攪要留意：
1️⃣貓同狗嘅入境政策會唔同
2️⃣唔同國家又會有唔同嘅入境條件。

小編嘅經驗認為自己攪嘅難度係同個間貨機職員周旋🥲，同佢哋溝通係令人吐血🩸（另一篇再講）。如果大家資金充裕的話，搵間可靠嘅寵物移民公司幫手可以減少煩惱，建議大家問多幾間公司，比較唔同價錢同服務💁🏻‍♀️💁🏻‍♂️。大家衡量下金錢、時間、能力同心機，係咪可以處理到所有事物，再決定搵寵物移民公司定自己攪啦！（頭盔mode🪖）

在寒冬中的歐洲小編上❄️