《主子移民日記》#3

當主子嘅機票確定後，下一步就可以準備坐飛機嘅用品✈️🛍️。

以下呢幾樣用品係必需嘅😺：
🐾飛機籠
🐾食物器
🐾食物
🐾飲水器
🐾水
🐾尿墊

由於每間航空公司對飛機籠、食物器同飲水器嘅要求未必一樣，所以買之前要睇清楚👀主子坐果間航空公司嘅要求😸。預備主子食開嘅乾糧畀佢係機上食😸。另外，最好準備多少少罐罐同乾糧畀主子到埗新居時食，等佢到埗後都可以有啲家鄉食物🍖，唔洗所有嘢同以前唔同哂，希望佢哋慢慢逐步適應😽。


以下呢幾樣係非必需嘅😺：
🐾寵物墊
🐾Airtag 或其他定位器

寵物墊最好係平時主子用開😻，加埋奴才着過嘅衫😻，等佢哋喺漫長嘅旅程中，有陣熟悉嘅味道陪住佢哋，減低不安感😿。至於定位器係主子坐貨倉嘅時候最啱用，奴才可以睇佢哋到去到邊🌐，唔怕好似行李咁寄失咗🛄。


以上就係小編嘅建議，大家有冇其他諗法💭？不妨喺下面留言同我哋分享💬，有咩需要準備畀主子上飛機用啦😻！